ஹாக்கி: ஜப்பானை பந்தாடி ‘ஹாட்ரிக்’ வெற்றி பெற்ற இந்திய அணி!

ஓமனின் மஸ்கர் நகரில் ஐந்தாவது ஆண்களுக்கான ஆசிய சாம்பியன்ஸ் டிராபி ஹாக்கி தொடர் நடக்கிறது. இதில் இந்தியா பாகிஸ்தான், மலேசியா, தென் கொரியா, ஜப்பான், ஒமான் அணிகள் ஆகிய 6 அணிகள் மோதுகின்றன. வரும் 28ம் தேதி வரை நடைக்கும் இத்தொடரில் ஒவ்வொரு அணியும் மற்ற 5 அணிகளுடன் தலா ஒரு முறை லீக் சுற்றில் மோதும்.

‘தெறி’க்கவிட்ட இந்திய வீரர்கள்:
இந்திய அணி தனது மூன்றாவது லீக் போட்டியில், ஜப்பான் அணியை எதிர்கொண்டது.
இதில் துவக்கம் முதல் ஆதிக்கம் செலுத்திய இந்திய அணிக்கு, லலித் (4, 45வது நிமிடம்), ஹர்மான்பிரீத் (17, 21வது நிமிடம்), மந்தீப் (49, 57வது நிமிடம்) ஆகியோர் இரட்டை கோல் அடித்து மிரட்டினர்.

தவிர, குர்ஜான்ந்த் (8வது நிமிடம்), ஆகாஷ்தீப் (36), கோத்தாஜித் (42) ஆகியோர், தலா ஒரு கோல் அடித்து மிரட்டினர். கடைசி வரை ஜப்பான் வீரர்களின் கோல் அடிக்கும் முயற்சி தோல்வியில் முடிய, இந்திய அணி 9-0 என்ற கோல் கணக்கில் இமாலய வெற்றியை பதிவு செய்தது.

ஹாட்ரிக் வெற்றி:
இந்த வெற்றியின் மூலம் பங்கேற்ற 3 போட்டியிலும், இந்திய அணி வெற்றி பெற்று ஹாட்ரிக் வெற்றியை பதிவு செய்தது. முன்னதாக ஓமன் (0-11), பாகிஸ்தான் (1-3) அணிகளை இந்திய அணி வென்றது.