ஹாக்கி உலகக் கோப்பை தொடர் வரும் நவம்பர் 28ஆம் தேதி முதல் டிசம்பர் 16ஆம் தேதி வரை நடக்க உள்ளது. இதனை முன்னிட்டு ஒரிசாவில் உள்ள கலிங்கா மைதானத்தில் தேசிய பயிற்சி முகாம் தற்போது நடைபெற்று வருகிறது.
இதில் கலந்துகொண்ட சுனிலுக்கு பயிற்சியின் போது இடதுகால் மூட்டில் பலத்த காயம் ஏற்பட்டுள்ளது. இதனால் அவர் உலகக் கோப்பைத் தொடருக்கான இந்திய ஹாக்கி அணியில் இடம்பெறுவது மிகவும் சந்தேகமாகியுள்ளது.
உலகக் கோப்பையைக் கருத்தில் கொண்டு ஏற்கெனவே இம்மாத இறுதியில் நடைபெற இருக்கும் ஆசிய சாம்பியன்ஷிப் தொடரிலிருந்து சுனிலுக்கு ஓய்வு அளிக்கப்பட்டது நினைவுகூரத்தக்கது.
கர்நாடகாவைச் சேர்ந்த சுனில் 200 போட்டிகளுக்கு மேல் இந்திய அணிக்காக விளையாடியவர். ஆகாஷ் தீப் மற்றும் சுனில் இருவரும் இந்திய அணிக்கு முக்கிய பலமாக இருப்பார்கள் என எதிர்பார்க்கப்பட்ட நிலையில் சுனில் காயமடைந்திருப்பது இந்திய அணிக்கு பின்னடைவை ஏற்படுத்தியுள்ளது.
கலிங்கா மைதானம் புதுப்பிக்கப்பட்டு இன்று திறப்பு விழா நடைபெறுகிறது. தொடக்க விழாவின் அங்கமாக நடக்கும் முன்னாள் மற்றும் இன்னாள் வீரர்கள் மோதும் போட்டியில் சுனில் சிறிது நேரம் விளையாட இருப்பது குறிப்பிடத்தக்கது.
Mobile AppDownload Get Updated News