செரினாவை தோற்கடித்து, முதல் முறையாக விம்பிள்டன் பட்டம் வென்றார் கெர்பர்!

லண்டன்: அமெரிக்காவின் செரினா வில்லிம்ஸை 6 - 3, 6 - 3 என்ற நேர் செட் கணக்கில் தோற்கடித்து, முதல் விம்பிள்டன் பட்டத்தை ஜெர்மனியின் ஆஞ்சலிக் கெர்பர் பெற்றார்.


நடப்பு தொடரின் 11வது இடத்தில் உள்ள கெர்பர், 7 முறை விம்பிள்டன் சாம்பியனான செரினாவை வீழ்த்தி பட்டம் வென்றார்.

முன்னதாக கடந்த 1996ல் ஜெர்மனி வீராங்கனை ஸ்டெபி கிராப் விம்பிள்டன் பட்டம் வென்றார். இதற்கு பிறகு, விம்பிள்டன் பட்டம் வெல்லும் முதல் ஜெர்மனி வீராங்கனை கெர்பர் என்பது குறிப்பிடத்தக்கது.

கடந்த செப்டம்பர் மாதம் தாயான பிறகு, செரினா விளையாடிய 4வது தொடர் இதுவாகும். இந்த தோல்வியால் மார்கரெட் கோர்ட்டின் 24 கிராண்ட் ஸ்லாம் சாதனைகளை சமன் செய்ய செரினா தவறினார்.

1980ஆம் ஆண்டு ஆஸ்திரேலியாவின் எவோனி தாயாக விம்பிள்டன் பட்டம் வென்றார். அவருக்குப் பிறகு, தாயாக விம்பிள்டன் பட்டம் வெல்ல மிகுந்த ஆவலுடன் செரினா இருந்தார்.

ஆனால் அவரது கனவு நிறைவேறவில்லை. கடந்த 2016 ஆம் ஆண்டு, விம்பிள்டன் இறுதியில் செரினாவால் தோற்கடிக்கப்பட்ட கெர்பர், இம்முறை பழிதீர்த்துக் கொண்டார்.

Angelique Kerber stuns Serena Williams to win maiden Wimbledon title.