உலக தடகள சாம்பியன்ஷிப்: வரலாறு படைத்த ஹிமா தாசுக்கு பிரதமர் மோடி வாழ்த்து!

புதுடெல்லி: 20 வயதுக்கு உட்பட்டோருக்கான உலக தடகள சாம்பியன்ஷிப்பில் தங்கம் வென்ற இந்திய தடகள வீராங்கனையான ஹிமா தாசுக்கு பிரதமர் நரேந்திர மோடி வாழ்த்து தெரிவித்துள்ளார்.

பின்லாந்தின் தாம்ப்ரேவில், 20 வயதுக்கு உட்பட்டோருக்கான உலக தடகளப் சாம்பியன்ஷிப் போட்டிகள் நடக்கிறது. இதில் இந்தியா சார்பில் அஸ்ஸாமைச் சேர்ந்த ஹிமா தாஸ், பங்கேற்கிறார்.

இந்நிலையில் ஹிமா தாஸ் 400 மீ., ஓட்டத்துக்கான ஃபைனலில், பந்தய தூரத்தை 51.46 வினாடிகளில் கடந்து, தங்கப்பதக்கம் வென்று வரலாறு படைத்தார்.

இதையடுத்து ஹிமா தாஸை இந்திய பிரதமர் நரேந்திர மோடி டுவிட்டர் மூலம் வாழ்த்தியுள்ளார்.அதில்,‘ வரலாறு படைத்த ஹிமா தாசுக்கு வாழ்த்துக்கள். இவரின் இந்த சாதனை வரும் காலத்தில் பல இளம் தடகள் வீரர்களுக்கு முன்மாதிரியாக அமையும்.’ என குறிப்பிட்டுள்ளார்.

இதில் ருமேனியாவின் ஆண்டிரு மிக்லாஸ் (52.07 வினாடிகள்), அமெரிக்காவின் டெய்லர் மான்சன் (52.28 வினாடிகள்) ஆகியோர் வெள்ளி, வெண்கலப்பதக்கத்தை கைப்பற்றினர்.

சாதனை சமன்.....
இந்த வரலாற்று வெற்றியை ஹிமா தாஸ் , கடந்த 2016ல் போலாந்தில் நடந்த ஜூனியர் உலக சாம்பியன்ஷிப்பில் உலக சாதனையுடன் தங்கம் வென்ற இந்தியாவின் நீரஜ் சோப்ராவுடன் பகிர்ந்து கொண்டார்.

* இவர்களை தவிர, இந்தியாவின் சீமா புனியா (வெண்கலப்பதக்கம், வட்டு எறிதல், 2002), நவ்ஜீத் தில்லன் (வெண்கலப்பதக்கம், வட்டு எறிதல், 2002) ஜூனியர் உலக சாம்பியன்ஷிப்பில் இந்தியாவுக்காக பதக்கம் வென்று சாதித்துள்ளனர்.

NEW DELHI: Congratulatory wishes are pouring in for India's new golden girl in athletics Hima Das who on Thursday created history after becoming the first from her country to win a gold medal in the track event of a world championships.