சர்வதேச டென்னிஸ் அரங்கில் கிராண்ட்ஸ்லாம் அந்துஸ்து பெற்ற பாரம்பரிய டென்னிஸ் தொடரான விம்பிள்டன் டென்னிஸ் தொடர், இங்கிலாந்தின் லண்டன் நகரில் நடக்கிறது. இந்த ஆண்டுக்கான 132வது தொடர், லண்டனில் கடந்த 2ம் தேதி துவங்கியது.
இதில் பெண்கள் ஒற்றையர் பிரிவு அரையிறுதியில் ஜெர்மனியின் கெர்பர், லாத்வியாவின் ஜெனியானாவை எதிர்கொண்டார். இதில் துவக்கமுதல் கெர்பர் ஆதிக்கம் செலுத்தினார்.
முதல் செட்டை 6-3 என கைபற்றிய கெர்பர், அடுத்த செட்டையும் 6-3 என மிகச்சுலபமாக வென்றார். முடிவில், ஜெர்மனியின் கெர்பர், லாத்வியாவின் ஜெனியானாவை 6-3, 6-3 என்ற நேர் செட்களில் வீழ்த்தி ஃபைனலுக்கு முன்னேறினார்.
ஃபைனலில் கெர்பர் அமெரிக்காவின் செரினா வில்லியம்ஸ் அல்லது ஜெர்மனியின் ஜார்ஜஸை எதிர்கொள்வார்.
Mobile AppDownload Get Updated News