உலகக்கோப்பையில் ஓவரா நடிச்சு... உலகம் பூரா அசிங்கப்பட்ட நெய்மர்.......!

மாஸ்கோ: உலக கோப்பை கால்பந்து போட்டியில் விளையாட்டில் பங்கேற்ற பிரேசில் வீரர் நெய்மர் அடிக்கடி கீழே விழுந்து நேரத்தை வீணடித்து, உலகம் முழுதும் தற்போது அசிங்கப்பட்டுள்ளார்.

கால்பந்து உலகக்க்கோப்பை தொடர் ரஷ்யாவில் நடக்கிறது. இதில் 5 முறை உலகக்கோப்பை தொடரில் சாம்பியன்பட்டம் வென்ற பிரேசில் அணி, காலிறுதியில் பெல்ஜியமிடம் தோல்வியடைந்து வெளியேறியது.

இந்நிலையில் உலககோப்பை தொடரில் பங்கேற்ற பிரேசில் நட்சத்திர வீரர் நெய்மர் மீது கடும் விமர்சனம் எழுந்துள்ளது. ஆட்டத்தின் போது அவர், எதிரணி வீரர்கள் லேசாக உரசியவுடன் கீழே விழுந்து நடிக்கிறார், என மெக்சிகோ பயிற்சியாளர் ஜூவான் கார்லஸ் ஒசோரியம் குற்றம் சாட்டினார்.

மெக்சிகோவுக்கு எதிரான ஆட்டத்தில் 71-வது நிமிடத்தில் கணுக்காலில் பிடித்து நெய்மர் வலியால் துடித்தார். உடனே மருத்துவ குழுவினர் மைதானத்துக்குள் வந்து சிகிச்சை அளித்ததால் நேரம் வீணானது.

இந்நிலையில் சுவிட்சர்லாந்து டி.வி. நிறுவனம் நெய்மர் எல்லா போட்டியையும் ஆய்வு செய்து நெய்மர் அடிக்கடி கீழே விழுந்து வலியால் துடித்ததில் சுமார் 14 நிமிடத்துக்கு மேலாக நேரத்தை வீணடித்து உள்ளார் என தெரிவித்துள்ளது.

நெய்மர் சேலஞ்ச்:
இந்நிலையில் சமூக வலைதளத்தில் தொட்டால் விழுந்த பிரேசில் வீரர் நெய்மரை கேலி செய்யும் விதமாக ஹேஷ்டேக் துவங்கி அவரை வருத்தெடுத்து வருகின்றனர் கால்பந்து ரசிகர்கள். ஓவர் ஆக்டிங்.... உடம்புக்கு நல்லதல்ல என்பதை தற்போதாவது நெய்மர் புரிந்து கொள்ளவேண்டும்.

Neymar and the Brazil team may have exited the FIFA World Cup 2018 but his legacy at Russia 2018 is making waves online in form of the #NeymarChallenge.