FIFA World Cup 2018: ஸ்வீடன் அணியை வீழ்த்தி, அரையிறுதியில் கெத்தாக நுழைந்தது இங்கிலாந்து!!

பீபா உலகக்கோபையின் காலிறுதி போட்டியில் இங்கிலாந்து அணி, ஸ்வீடன் அணியை 2-0 என்ற கோல் கணக்கில் வீழ்த்தி, அரையிறுதி சுற்றுக்குள் நுழைந்துள்ளது.

விளையாட்டு உலகின் மிகப்பெரிய திருவிழாவாக கருதப்படும் பீபா கால்பந்து உலகக்கோப்பை, கடந்த சில வாரங்களுக்கு முன் ரஷ்யாவில் தொடங்கியது. 32 அணிகள் பங்கேற்ற இந்த உலகக்கோப்பையில், குரூப் சுற்றுகள் முடிந்து நாக் அவுட் சுற்றுக்கு 16 அணிகள் தகுதி பெற்றன.

இந்த நாக் அவுட் சுற்றில், கொலம்பியா அணியை வீழ்த்தி இங்கிலாந்து அணியும் அதேபோல், சுவிட்சர்லாந்து அணியை வீழ்த்தி ஸ்வீடன் அணியும் காலிறுதிக்கு தகுதி பெற்றது.
இதையடுத்து, தரவரிசையில் 24 ஆம் இடத்தில் இருக்கும் ஸ்வீடன் அணியும், தரவரிசையில் 13வது இடத்தில் இங்கிலாந்து அணியும் இன்று நடைபெற்ற காலிறுதி போட்டியில் மோதின.

அணி விவரம்:
ஸ்வீடன்: Olsen, Krafth, Lindelof, Granqvist, Augustinsson, Claesson, Larsson, Ekdal, Forsberg, Berg, Toivonen.

துணை வீரர்கள்: Johnsson, Olsson, Guidetti, Svensson, Helander, Hiljemark, Jansson, Rohden, Durmaz, Thelin, Nordfeldt.

இங்கிலாந்து: Pickford, Walker, Stones, Maguire, Trippier, Alli, Henderson, Lingard, Young, Sterling, Kane.

துணை வீரர்கள்: Butland, Rose, Dier, Vardy, Welbeck, Cahill, Jones, Delph, Rashford, Loftus-Cheek, Alexander-Arnold, Pope.

நடுவர்: Bjorn Kuipers (Holland)

இதைத்தொடர்ந்து நடைபெற்ற போட்டியில், 30வது நிமிடத்தில் இங்கிலாந்து அணியின் ஹாரி மெக்குயிர், கார்னரில் இருந்து அடிக்கப்பட்ட பந்தை ஹெட்டர் மூலம் அற்புதமான கோலாக மாற்றினார். இதனால், ஆட்டத்தின் பாதி நேர முடிவில் இங்கிலாந்து அணி 1-0 என்ற கோல் கணக்கில் முன்னிலை பெற்றது.

இதையடுத்து, இரண்டாவது பாதியில் எப்படியாவது கோல் அடித்து ஆட்டத்தை சமநிலை செய்ய வேண்டும் என்ற ஸ்வீடன் அணியின் முயற்சிகள் அனைத்தும் தோல்வியில் முடிந்தன. இதைத் தொடர்ந்து, மற்றொரு இங்கிலாந்து வீரரான டெலி அலி ஆட்டத்தின் 58வது நிமிடத்தில் மற்றொரு ஹெட்டர் மூலம் கோல் அடித்தார்.
ஆட்டநேர முடிவில் இங்கிலாந்து அணி 2-0 என்ற கோல் கணக்கில் ஸ்வீடன் அணியை வீழ்த்தி அபார வெற்றி பெற்றது. இந்த வெற்றியின் மூலம் இங்கிலாந்து அணி, அரையிறுதியில் மூன்றாவது அணியாக நுழைந்துள்ளது. இதையடுத்து, இன்று நடக்கும் இரண்டாவது காலிறுதி போட்டியில், போட்டியை நடத்தும் ரஷ்யா அணியும், பலம் வாய்ந்த குரோஷியா அணியும் மோத உள்ளன.