மெஸ்ஸியின் மெர்சலான புதிய சாதனை

உலகக் கோப்பை கால்பந்து போட்டியில் நைஜீரியாவுக்கு எதிரான போட்டியில் கோல் போட்ட அர்ஜெண்டினா வீரர் லியோனல் மெஸ்ஸி இதுவரை யாரும் புரியாத சாதனையை நிகழ்த்தினார்.

உலகக் கோப்பை கால்பந்துப் போட்டிகள் ஜூன் 14ஆம் தேதி தொடங்கின. 32 நாடுகளைச் சேர்ந்த அணிகள் பங்கேற்கும் இத்தொடர் ஜூலை 15ஆம் தேதி வரை நடக்கிறது.

இதில் டி பிரிவில் இடம்பெற்றுள்ள அர்ஜெண்டினா – நைஜீரியா அணிகள் முக்கியத்துவம் வாய்ந்த கடைசி லீக் போட்டியில் செவ்வாய்க்கிழமை மோதின. இப்போட்டியில் அர்ஜெண்டினா அணி 1-2 என்ற கோல் கணக்கில் வெற்றி பெற்று நாக்-அவுட் சுற்றுக்குத் தகுதி பெற்றது.

இதில் அர்ஜெண்டினா வீரர் லியோனல் மெஸ்ஸி முதல் கோல் போட்டு அணிக்கு முன்னிலை பெற்றுத்தந்தார். இந்த உலகக் கோப்பை தொடரில் அவரது முதல் கோல் இதுவாகும். இந்த கோல் மூலம் பதின் வயதிலும், இருபதுகள் மற்றும் முப்பதுகளிலும் உலகக் கோப்பை போட்டியில் கோல் அடித்த ஒரே வீரர் என்ற எளிதில் அசைக்க முடியாத சாதனையை நிகழ்த்தியுள்ளார்.