97வது நிமிட கோல்: நெய்மர் நிகழ்த்திய புதிய சாதனை

கோஸ்டா ரிகா அணிக்கு எதிரான உலகக் கோப்பை கால்பந்து லீக் போட்டியில் பிரேசில் வீரர் நெய்மர் 97வது நிமிடத்தில் கோல் அடித்து புதிய சாதனை நிகழ்த்தியுள்ளார்.

உலகக் கோப்பை கால்பந்துப் போட்டிகள ஜூன் 14ஆம் தேதி தொடங்கின. 32 நாடுகளைச் சேர்ந்த அணிகள் பங்கேற்கும் இத்தொடர் ஜூலை 15ஆம் தேதி வரை நடக்கிறது.

இத்தொடரில் வெள்ளிக்கிழமை நடைபெற்ற லீக் போட்டியில் குரூப் ஈ போட்டியில் பிரேசில் – கோஸ்டா ரிகா அணிகள் மோதின. இதில் பிரேசில் அணி 2-0 என வெற்றி பெற்றது. அந்த அணியின் நட்சத்திர வீரர் நெய்மர் 97வது நிமிடத்தில் கோல் போட்டு அணியின் வெற்றியை உறுதிசெய்தார்.
இந்த கோல் மூலம் உலகக் கோப்பை கால்பந்துப் போட்டி ஒன்றில் வழங்கப்பட்ட போட்டி நேரத்தில் மிகத்தாமதமாக கோல் அடித்த சாதனையை நெய்மர் நிகழ்த்தியுள்ளார்.