உலகக்கோப்பையில் வரலாறு படைக்க காத்திருக்கும் 11 வயது தமிழக சிறுமி!

சோச்சி: உலகக்கோப்பையில் வீரர்களுடன் அதிகாரப்பூர்வ பந்தை சுமந்து செல்லும் பெருமையை தமிழகத்தை சேர்ந்த சிறுமி நதானியா ஜான் பெற்றுள்ளார்.

உலகளவில் அதிக ரசிகர்களை கொண்ட கால்பந்து விளையாட்டின் உலகக்கோப்பை தொடர் நான்கு ஆண்டுகளுக்கு ஒரு முறை நடத்தப்படும். கடந்த 2014ல் இத்தொடர் பிரேசிலில் நடந்தது.

இதையடுத்து இந்த ஆண்டுக்கான 21வது உலகக்கோப்பை கால்பந்து தொடர் ரஷ்யாவில் நடக்கிறது. வரும் ஜூலை 15 வரை ரஷ்யாவில் இத்தொடர் நடக்கிறது. 32 அணிகள் பங்கேற்கும் இத்தொடர் ரஷ்யாவின் 11 முக்கிய நகரங்களில் 64 போட்டிகள் நடக்கிறது.

வாழ்நாள் வாய்ப்பு......
இதன் ஃபைனல் போட்டி மாஸ்கோவின் லுஸ்நிகி மைதானத்தில் நடக்கவுள்ளது. இந்நிலையில் இந்தியாவைச் சேர்ந்த இரண்டு சிறுவர்கள் தங்களின் வாழ்நாளில் ஒருமுறை மட்டுமே கிடைக்கும் வாய்ப்பை பெற்றுள்ளனர்.

தமிழக சிறுமி.....
இந்நிலையில் உலகக்கோப்பையில் வீரர்களுடன் அதிகாரப்பூர்வ பந்தை சுமந்து செல்லும் பெருமையை தமிழகத்தை சேர்ந்த சிறுமி நதானியா ஜான் பெற்றுள்ளார். மற்றொரு சிறுவன், கர்நாடகாவின் ரிஷி தேஜ். பெல்ஜிய- பனாமா அணிகள் மோதிய போட்டியில் ரிஷி தேஜ் வீரர்களுடன் பந்தை சுமந்து சென்று வரலாறு படைத்தார்.

இந்நிலையில், வரும் 22ம் தேதி பிரேசில்- கோஸ்டா ரிகா அணிகள் மோதும் போட்டியின் போது வீரர்களுடன் அதிகாரப்பூர்வ பந்தை சுமந்து செல்லும் பெருமையை தமிழகத்தை சேர்ந்த சிறுமி நதானியா ஜான் பெறவுள்ளார்.

ஒரு வாரம் தூக்கமில்லை......
இந்நிலையில் இதுகுறித்து ரிஷி தேஜ் கூறுகையில், ‘எனக்கு மிகவும் ஆர்வமாக உள்ளது. தற்போது வரை ரஷ்யாவில் இருப்பது கனவு மாதிரி உள்ளது. எனக்கு போட்டியை ரசிக்க வேண்டும் என்ற விருப்பமில்லை. அவர்கள் எப்படி விளையாடுகிறார்கள் என ஆய்வு செய்ய விரும்புகிறேன்.’ என்றார்.

Rishi Tej became the first-ever Indian ball-boy in a World Cup match on Monday when Belgium took on Panama in Sochi.