அடங்காமல் அடாவடி பண்ண முன்னாள் அர்ஜெண்டினா கேப்டன் மரடோனா!

மாஸ்கோ: அர்ஜெண்டினா, ஐஸ்லாந்து அணிகள் மோதிய உலகக்கோப்பை கால்பந்து போட்டியை காண வந்த முன்னாள் அர்ஜெண்டினா கேப்டன் மரடோனா தடைசெய்யப்பட்ட பகுதியில் சிகார் பிடித்தது சர்ச்சையை ஏற்படுத்தியுள்ளது.

உலகளவில் அதிக ரசிகர்களை கொண்ட கால்பந்து விளையாட்டின் உலகக்கோப்பை தொடர் நான்கு ஆண்டுகளுக்கு ஒரு முறை நடத்தப்படும். கடந்த 2014ல் இத்தொடர் பிரேசிலில் நடந்தது.

இதையடுத்து இந்த ஆண்டுக்கான 21வது உலகக்கோப்பை கால்பந்து தொடர் ரஷ்யாவில் நடக்கிறது. வரும் ஜூலை 15 வரை ரஷ்யாவில் இத்தொடர் நடக்கிறது. 32 அணிகள் பங்கேற்கும் இத்தொடர் ரஷ்யாவின் 11 முக்கிய நகரங்களில் 64 போட்டிகள் நடக்கிறது.

இதன் ஃபைனல் போட்டி மாஸ்கோவின் லுஸ்நிகி மைதானத்தில் நடக்கவுள்ளது. இந்நிலையில் 88 ஆண்டு உலகக்கோப்பையில் இதுவரைக்கும் யாருக்கும் கிடைக்காத பெருமை உள்ளூர் கிளப் அணியான பார்சிலோனா அணிக்கு கிடைத்துள்ளது.

இந்நிலையில் மாஸ்கோவின் ஸ்பார்டாக் மைதானத்தில் நடந்த குரூப் - டி பிரிவின் லீக் போட்டியில், நட்சத்திர வீரர் மெஸ்சியின் அர்ஜெண்டினா அணி, ஐஸ்லாந்து அணியை எதிர்கொண்டது. இப்போட்டி 1-1 என ‘டிரா’வில் முடிந்தது.

அடாவடி மரடோனா:
இந்நிலையில் இப்போட்டியை முன்னாள் அர்ஜெண்டினா கேப்டன் மரடோனா நேரில் காண வந்தார். மைதானத்தில் புகைப்பிடிக்க ரஷ்ய அரசாங்கம் தடைவிதித்துள்ளது.

இதை தெரிவிக்கும் விதமாக ஆங்காங்கே எச்சரிக்கை பலகைகளும் வைக்கப்பட்டுள்ளது. ஆனால் முன்னாள் அர்ஜெண்டினா கேப்டன் மரடோனா , இதை கொஞ்சம் கூட கண்டு கொள்ளாமல், சிகார் புகைத்தபடி போட்டியை கண்டு ரசித்தார். இவர் சிகார் புகைக்கும் போட்டோக்கள் சமூக வலைதளங்களில் வைரலாக பரவி சர்ச்சையை ஏற்படுத்தியுள்ளது.

Former Argentina captain and World Cup-winner Diego Maradona was seen smoking a cigar in the stands during Argentina's match, despite smoking and tobacco being banned at all the venues of the FIFA World Cup 2018. The 57-year-old was also accused of making a racist gesture at visiting Korean fans while watching the match from the stands.