பிரெஞ்சு ஓபன்: காலிறுதியில் ஷரபோவா அதிர்ச்சி தோல்வி!

பாரீஸ்: பாரீஸில் நடக்கும் பிரெஞ்சு ஓபன் டென்னிஸ் தொடரின் காலிறுதியில் ரஷ்யாவின் மரியா ஷரபோவா அதிர்ச்சி தோல்வியடைந்து வெளியேறினார்.

பிரான்ஸ் தலைநகர் பாரீஸில், கிராண்ட்ஸ்லாம் தொடரான பிரெஞ்சு ஓபன் டென்னிஸ் தொடர் நடக்கிறது. இதன் பெண்கள் ஒற்றையர் பிரிவு காலிறுதியில், ரஷ்யாவின் மரியா ஷரபோவா, ஸ்பெயினின் கார்பைன் முருகுசாவை எதிர்கொண்டார்.

இப்போட்டியின் துவக்கம் முதல் முருகுசாவின் ஆதிக்கமே அதிகம் இருந்தது. இதன் முதல் செட்டை 6-2 என முருகுசா கைப்பற்றினார். தொடர்ந்து நடந்த இரண்டாவது செட்டிலும் அசத்திய முருகுசா, 6-1 என சுலபமாக வென்றார்.

முடிவில், ஸ்பெயினின் கார்பைன் முருகுசா, ரஷ்யாவின் மரியா ஷரபோவாவை 6-2, 6-1 என சுலபமாக வெற்றி பெற்று அரையிறுதிக்கு முன்னேறினார்.

Maria Sharapova crashed out of women's singles of French Open 2018 after losing quarter-finals to Spaniard Garbine Muguruza 2-6, 1-6.