உலகக்கோப்பை கால்பந்து:மீண்டும் சாதிக்குமா ‘நம்பர்-1’ ஜெர்மனி!

மாஸ்கோ: ரஷ்யாவில் நடக்கும் உலகக்கோப்பை கால்பந்து தொடரில் உலகின் ‘நம்பர்-1’ அணியான ஜெர்மனி, தனது சாம்பியன் பட்டத்தை தக்கவைக்கும் என எதிர்பார்க்கப்படுகிறது.

உலகளவில் அதிக ரசிகர்களை கொண்ட கால்பந்து விளையாட்டின் உலகக்கோப்பை தொடர் நான்கு ஆண்டுகளுக்கு ஒரு முறை நடத்தப்படும். கடந்த 2014ல் இத்தொடர் பிரேசிலில் நடந்தது.

இதையடுத்து இந்த ஆண்டுக்கான தொடர் வரும் ஜூன் 14 முதல் ஜூலை 15 வரை ரஷ்யாவில் நடக்கிறது. சுமார் 32 அணிகள் பங்கேற்கும் இத்தொடர் ரஷ்யாவின் 11 முக்கிய நகரங்களில் 64 போட்டிகள் நடக்கிறது.

இதன் ஃபைனல் போட்டி மாஸ்கோவின் லுஸ்நிகி மைதானத்தில் நடக்கவுள்ளது. கடந்த 32 ஆண்டுகளில் உலகக்கோப்பை தொடருக்கு அமெரிக்க ஆண்கள் அணி தகுதி பெற தவறியது.

இதில் பங்கேற்கும் உலகின் ‘நம்பர்-1’ அணியான ஜெர்மனி, தனது சாம்பியன் பட்டத்தை தக்கவைக்கும் என எதிர்பார்க்கப்படுகிறது. இந்நிலையில் ஜெர்மனி அணி குறித்த முழு விவரம்:

பிபா ரேங்கிங் : 1

உலகக்கோப்பை வரலாறு : சாம்பியன் 1954, 1974, 1990, 2014

பயிற்சியாளர்: ஜோவாகிம் லோவ்

கடந்த 2006 முதல் ஜெர்மனியின் பயிற்சியாளராக ஜோவாகிம் லோவ் உள்ளார்.

இவரது பயிற்சியில் 2014ல் ஜெர்மனி சாம்பியன் பட்டம் வென்றது. பின் 2017 கான்பெடரேஷன் கோப்பை கைப்பற்றியது.

நட்சத்திர வீரர்: டோனி கிராஸ்

இவரது தலைமுறையில் மிகச்சிறந்த நடுக்கள வீரர் டோனி கிராஸ். 2014ல் ஜெர்மனி உலகக்கோப்பை வெல்ல கிராஸ் முக்கிய காரணம். தவிர, யூஇஎப்ஏ., சாம்பியன்ஸ் லீக்கில் பேயான் முனிச், ரியல் மேட்ரிட் அணி சாம்பியன் பட்டம் வெல்லவும் காரணமாக இருந்தார்.

அணி விவரம்

கோல்கீப்பர்கள்: மானுவல் நுவார், மார்க் ஆண்டிரி, கெவின் டிராப் டிபெண்டர்ஸ்: ஜெரோம் போடெங், மாட்டீஸ் கிண்டர், ஜோனஸ் ஹெக்டர், மாட்ஸ் ஹூமெல்ஸ், ஜோசா கிம்மிச், மார்வின் பிளாடன்ஹார்ட், அண்டோனியோ ரூரிட்கர், நிகாலஸ் சூலே மிட்பீல்டர்ஸ்: ஜூலியன் பிராண்ட், ஜூலியன் டிராக்சியர், லியான் கோரிஸ்டா, இக்லே குண்டாகன், சமி ஹேட்ரியா, டோனி கிராஸ், மிசுட் ஒசில், செபாஸ்டியன் ரூடி

ஸ்டிரைக்கர்ஸ்: மரியோ கோமஸ், தாமஸ் முல்லர், மார்கோ ரீயுஸ், திமோ வெர்னர்

அட்டவணை: குரூப் - எப்

ஜூன் 17 எதிர் - மெக்சிகோ
ஜூன் 23 எதிர் - சுவிடன்
ஜூன் 27 எதிர் - கொரியா