பிரெஞ்சு ஓபன்: திடீரென வெளியேறி ‘ஷாக்’ கொடுத்த செரீனா!

பாரீஸ்: பிரெஞ்சு ஓபன் டென்னிஸ் தொடரின் பெண்கள் ஒற்றையர் பிரிவில் அமெரிக்காவின் செரீனா வில்லியம்ஸ் போட்டி துவங்க சில நிமிடங்களுக்கு முன் விலகி அதிர்ச்சி அளித்தார்.

பிரான்ஸ் தலைநகர் பாரீஸில், கிராண்ட்ஸ்லாம் தொடரான பிரெஞ்சு ஓபன் டென்னிஸ் தொடர் நடக்கிறது. இதன் பெண்கள் ஒற்றையர் பிரிவு நான்காவது சுற்றில் அமெரிக்காவின் செரீனா வில்லியம்ஸ், தனது பழைய பரம எதிரியான ரஷ்யாவின் மரியா ஷரபோவாவை எதிர்கொள்ள இருந்தார்.

ஆனால் போட்டி துவங்க சில நிமிடங்கள் இருந்த நிலையில் காயம் காரணமாக விலகுவதாக தெரிவித்து செரீனா ரசிகர்களுக்கு அதிர்ச்சி அளித்தார்.

இதுகுறித்து செரீனா கூறுகையில்,‘இது மிகப்பெரிய ஏமாற்றமாக உள்ளது. இந்த தருணத்துக்காக பல நாட்களாக காத்திருந்தேன். ஆனால் சர்வ் செய்வது எனக்கு மிகவும் கடினமாக உள்ளது. அதனால் வேறு வழியில்லாமல் விலகுகிறேன்.’ என்றார்.

செரீனா விலகியதால், ஷரபோவா சுலபமாக காலிறுதிக்கு தகுதி பெற்றார்.

PARIS: Serena Williams announced her shock withdrawal from the French Open on Monday with injury just minutes before her scheduled fourth-round clash against long-time rival Maria Sharapova.