​ பெண்கள் ஹாக்கியில் இந்தியா தொடர் தோல்விகள்

ரியோ டி ஜெனிரோ : அமெரிக்காவுக்கு ஏதிரான பெண்கள் ஹாக்கி போட்டியில் இந்திய பெண்கள் அணி 3-0 என்ற கோல்கணக்கில் படுதோல்வி அடைந்தது.

ரியோ ஒலிம்பிக் பெண்கள் ஹாக்கி போட்டியில் இன்று இந்தியா-அமெரிக்கா அணிகள் மோதின. இந்த போட்டியில் அமெரிக்காவிடம் இந்திய அணி 3-0 என்ற கோல் கணக்கில் தோல்வியடைந்தது.

இந்திய பெண்கள் ஹாக்கி அணி தொடங்கி 36 வருடங்களுக்கு பின் முதல் தடவையாக இந்த ஒலிம்பிக் போட்டியில் விளையாட தகுதி பெற்றது. கடந்த ஞாயிற்றுகிழமை நடைபெற்ற முதல் போட்டியில் இந்திய அணி ஜப்பானுடன் மோதியது. இந்த போட்டியில் இரு அணிகளும் தலா இரு கோல் அடித்தால் ஆட்டம் சமனில் முடித்தது.

கடந்த ஒன்பதாம் தேதி நடைபெற்ற போட்டியில் பிரிட்டனிக்கு எதிரான ஆட்டத்தில் இந்திய அணி 3-0 என்ற கோல்கணக்கில் தோல்வி அடைந்தது.

இதனையடுத்து கடந்த ஒன்பதாம் தேதி நடைபெற்ற போட்டியில் ஆஸ்திரேலிய அணிக்கு எதிரான ஆட்டத்தில் இந்திய அணி 6-1 என்ற கோல்கணக்கில் படுதோல்வி அடைந்தது.

இதன் காரணமாக இந்திய பெண்கள் ஹாக்கி அணி காலிறுதி சுற்றுக்கு தகுதி பெறுவதற்கான வாய்ப்புகள் மிகவும் குறைவாக உள்ளது.